??葡萄牙波爾圖｜走訪哈利波特靈感來源之書店｜萊羅書店 Livraria Lello
雖然《哈利波特》已經完左好耐，但係一直都冇被人遺忘，好多同《哈利波特》有關嘅野都依然係好受歡迎，相信呢個就係經典，歷久不衰呢！
估唔到唔只喺英國，喺葡萄牙都可以搵到《哈利波特》嘅足跡?呢！話說JK羅林曾經喺葡萄牙波爾圖住過一段時間，好鐘意喺萊羅書店 Livraria Lello創作、構思、搵靈感，所以呢間書店漸漸就變成左《哈利波特》靈感來源嘅書店，吸引左好多人黎朝聖！
其實本身萊羅書店都係葡萄牙最具歷史嘅書店之一，書店裡面好復古好靚，曾被Lonely Planet選為「世界上最美書店的第三位」，所以有好多理由要去一下呢個書店??不過真係好多人呢！
